Амьтан цөвтөх. Амьтны бие давжаарч, дүрс нь гоо бус болох, хийж буй
ажил үйл нь муу юманд автах, биеийнx нь тэнхээ тамир хомстох, залхуу нь ихдэх,
оюун нь мунхрах, наснаасаа эрт хөгшрөх, сэтгэл нь их омогтой болох, аав ээж,
танил садан хань нөхөдтэйгээ таарахаа болих, хувраг хүн бурхан номдоо сүсэглэх
дургүй болж худлаа дүр эсгэх цаг болохыг амьтан цөвтөх цаг гэдэг.
Нисваанисаар цөвтөх буюу
сэтгэлийн гэмээр цөвтөх. Хүний хүсэл тачаал, урин мунхаг, уур хилэн, омог харам
их түргэдэх буюу давамгайлах, гал мэт бадрах цаг болохыг нисваанисаар цөвтөх
гэдэг.
Нас цөвтөх буюу амьтан наслах
насаа насалж чадахгүй богиносох. Их дороо үхэх, зарим нь төрөөд үхэх, ихэнх нь
нас залуудаа цаг бусаар нас нь барагдаж үхэх цаг ирэхийг нас цөвтөх гэдэг.
Үзэл цөвтөх буюу амьтны үзэл
буруутах. Гурван эрдэнэ хийгээд үйлийн үр зэрэг зөв юманд итгэхээ болиод
эргэлзэж тээнэгэлзэх нь олшроод сүүлдээ түүнийг худал гэж санаад, эрдэм ном
заасан багш дээдэс, аав ээжийнхээ ачийг мэдэхээ болиод, өргөн хүндэтгэх нь
байтугай басамжлан шоолох, зодож нүдэх, буруу үзэлд автагдах, зөв юмнаас
зугтааж муу юманд автах, сайныг муу, мууг зөв гэж эндүүрэх цаг ирэхийг үзэл
цөвтөх гэдэг.
Цаг цөвтөх. Одоо цагийн хүний
нас 50 байгаа. Энэнээс хойш нас нь улам улам ахар болохын цагт 4 цагийн эх адаг
солигдоно гэдэг. Хүний нас 50 хүрнэ гэдгийг ингэж ойлгох хэрэгтэй: Xуучин хүн 8
түм насалдаг байсан. 60 жил тутамд нэг нэгээр хорогдсоор байгаад хүнийг 100
насалдаг болох үед Бурхан багш хорвоо ертөнцөд мэндэлсэн гэдэг юм. Бурхан багш
2500, 2600 жилийн өмнө ертөнцөд ирсэн гэвэл одоо хүний нас 50 руу дөхөж яваа.
Үүнээс цааш хүний нас 10 хүртлээ богиносох юм. Түүний дараагаас жаран жарнаар
нас нь эргэж нэмэгдсээр 8 түм хүрэхэд Майдар бурхан залрах цаг ирэх юм. 4
цагийн эх адаг солигдоно гэдэг нь зун хавар мэт, өвөл намар мэт, намар зун мэт
болох, магадгүй өвөл гэх цагийн тойм байхгүй болох, хур ус цагтаа орохгүй,
салхи хийгээд цас мөндөр хяруу ихдэх, ган турхнууд болох, цэргийн хямрал,
дайсан хулгай араатнаар хорлогдох, төрөл бүрийн өвчин зовлон хур мэт буух цагийг
цаг цөвтөх гэдэг.
"Төмөр хулгана жилээс усан бичин жил
хүртэл Халх Монголын хойд зүгээс хүн дүрстэй адгуусны байдалтай янз янзын шар
нүүртэй, Са.., На.., Я.., Э.. хэмээх нэртэй хүн ирж Монголын дотоод цогт
эрдэнийг булааж авна. Энэ үед лам хүн хар хүний боол болно. Лам хүн цэрэгт
мордоно. Ядуу гуйланч түшмэл болно. Ноёд нохой мэт болно. Хутагт гэгээнтнүүд
хар хүний боол болно. Хууль байвч дагах хүнгүй, ном байвч унших хүнгүй. Энэ
цагт хүрээ хийд цэргийн балгас болно. Энэ цагт Монголын төр шашин нэрийн төдий
болно." ...
... "Хонин жилд хийд сүмийн хуврагууд айн
зугтааж, хонин бичин жилийн завсар их хаан буурч хойд зүгээс тэрсүүдийн эсэргүү
нар Халх орныг хямруулан үйлдэнэ. Хүмүүний суудаг орон бүхэнд цусан гол урсана.
Амьтныг зэтгэр эзлэх, сүм хийдийг тагтаа эзлэх, Бурхны сүмийг тэмцлийн хороо
болгож зандалчин хэрнэ, аяга тахимлаг гэргий авч, харц бээр хан орыг барина.
Хан бээр харц болон буурна."...
"Хятад орны чананад буй Япон хэмээх нэгэн
хүчирхэг гүрэн Хятад орныг боолчлон, улмаар Монгол орны зүг хандсанаар төмөр
хонин жилийн намрын эхэн сарын 10 ба 15, мөн сүүл сарын 22 ба 25-ны өдөр
Монголчууд хавчлагаар хямран байлдах болно."...
... "Дайсан садан солигдох, сайн муу
солигдох, буян нүгэл солигдох, ноён албат, түшмэл зарц солигдох, ажил явдал зан
журам бүгд солигдох, үйлдвэр үйлдэх бүгд солигдох, ярих үг чихний гол сонсгол
бүгд солигдох, чимэг хэрэгсэл хувцас идээ бүгд солигдох, идээ эд хурааж
нөөцлөгдөх бүгд солигдох, нүгэлт баатарлаг зандалчныг магтан хүндэтгэх
болно."...
..."Хийд сүмийн эд таваарт хомголзон
үйлдэж, гурван шүтээнийг хулгайлж үнэлж худалдана. Эхнэрүүд нялх үрээ алах цаг.
Хүн бүхний зүрхэнд нэжгээд нэжгээд чөтгөр орох, үүний шинж нь биедээ элдэв
зүйлийн хувцас хунарыг олон хэлбэр маяг оруулж өмсөнө. Тойд нар хээнцэрлэж
санваартаа эзэн болохгүй. Шямнанц (эмэгтэй лам) нар толинд царайгаа үзэж бас
будаж шунхадна. Газрын эзэн хан ад хийгээд хөлчин тийрэн дэлгэрснээр жил бүр
өөр өөр үг хэлэлцэн элдэв зүйлийн чимэг хувцсаар хувцаслах болно. Эгэл
төрөлхтөн ном номлоно. Засалч нар худлаар авшиг өгнө. Мэхлэгч нэр их бясалгагч
болж хуурна. Хурц хэлтэн хурдан амтныг цэцэнд тооцно. Эгэл хар хүн хувцас өмсөж
тойдын дүр барина. Тойд нь ердийн хувцас өмсөөд эхэлнэ. Эмс нь өөрийн эрээсээ
үл айх, өглөг өгсөн эрийг шүтэх. Нэг эм есөн эрийн хойноос гүйнэ. Эр нөхрөө
захирах, аав ээжээ үл хүндлэх, Бурхны дүрийг үзэвч бишрэхгүй, будаг шунхтай
хайрцагтаа үлэмж баясна. Алт мөнгөөр чимэн, тойд хуврагуудын хийдэд ороод,
тачаал сэтгэл төрүүлж, хуврагуудыг уруу татах хүүхнүүд хүртэл их гарна.
Хүүхдүүдэд тийрэн чөтгөр шунан орсноор ном заахад үг сонсохгүй, бие нь бага
хэрнээ үг нь том, ахмад хүнийг үг хэлэхэд өмнөөс нь хэдэрлэнэ, босоо шээж, явж
байгаад идэж ууна. Ажилд зарвал өвчин туссан мэт, өөрийн дураар тоглохдоо
тийрэн мэт. Хов живийн үгэнд дуртай, түүнийг дамжуулахдаа авъяастай. Аав ээжийн
өгсөн өмчийг бараад гуйранч болно. Наадамд баясах эрх нь ихдээд аав ээжээсээ
айхгүй. Муу үйл явдлаа өөрөө хүртэл мэдэхгүй. Тариа үр жимс, хүнсний бүх зүйл
үндсэндээ хор болно. ". . . "Хулгана, нохой, тахиа, гахай, илжигний мах
битгий ид. Хэрэв идвэл бузарлагдана. 3-р сард тахианы өндгийг хоолонд бүү хий.
Орос Хятадын хор хүрнэ.". . .
... "Энэ цагт үхсэн хүн амьтанд ном буян
сайн үйлд. Цөвүүн цагт Төрийн ноёдын эв эвдрэх, хуулийг буруу бариx. Дээрэмчин
хулгайчаас ноён түшмэл болж төрийн эрхийг барина. Гадаад дотоод хэрэг эрхэлсэн
түшмэд, зарлиг зөвшөөрөл олгогч нар нь Төрийн хэргийг салхин адил задруулснаас
дотночлох, гадагшлуулах, нууцлах, ил тавих нь цус сүүтэй холилдсон мэт
булингартан, ялгаж салгахын аргагүйд хүрээд учраа олохоо болино. Яамны түшмэд
нэр таслан шийдэх, засаглан цаазлах хүрээг огцроон, олон хүнийг халж сольсноос
болоод хүний аймаг тоглоом наадмын газар мэт болно. Тэгээд тэр цагт хаан нь
түшмэдийн эдэнд хөнөөгдөнө. Түшмэд нь яам газрын эдийг хөнөөнө. Засаг яамны
газартан бээр эрхмүүдийнхээ эдийг хөнөөнө. Эрхмүүд бээр нь орон нутгийнхаа
хүний эдийг хөнөөнө. Ёс цаазат, ичгүүр сонжуурт бүгдийг алдсаны харгайгаар орон
нутгийн хүн эрхтний хэлснийг сонсохгүй. Эрхтэн нь яам тамгынхаа газрын үгийг
сонсохоо болино. Засаг захиргаа баригч нь түшмэдийнхээ хэлийг сонсохгүй. Энэ
мэт орны журам бүр хувьсан солигдож одсоноос хамаг юмны журам шүтэн барилдлага
самууран одно." ...
... "Тэр цагт энэ лүгээ адил элдэв
нүгэлтэн болох нь цөв орж цөвүүн муудсаны шинж мөн. Сайн хүн нэг нь нөгөөдөө
дайсан болно. Хамаг хот орныг хулгайч худалч этгээд эзлээд, гадаадынханд
толгойгоо мэдүүлж, гадаадын эзэнт хүн хавь ойр улсыг эзлэх, тэр мэт муу үйлс
гарахын цагт Маанийн ёдор буюу Хийморийн дарцаг байгуулах хэрэгтэй. Энэ цагт
сангасваа нарт албин шингэсэн тул та нар бүү шүт. Хэрвээ шүтвээс
үхээрийн бузар болно. Түүнээ хойно мэдэвч тус үгүй. Бөө хэмээх хар тарнич шашны
номын сан онгойж, хар зүгийн тэнгэрийг авралын орон хэмээн шүтэх болно.
Богд эзний гэрээслэлийн дагуу энэхүү
бошгыг аль болох олон хувилан бичиж, бусдад уншлуулж, сонсгон, мэдээгүй нэгэнд
мэдүүлж түгээн тарааж буянаа арвижуулна уу!!!
Мэдээ таалагдаж байвал манай хуудсанд "LIKE" дарж илүү олон шинэ мэдээ мэдээлэл хүлээж аваарай.